Nokkrar algengustu spurningarnar sem við fáum um hárlengingar

 

Stofan okkar Hárlengingar.is var stofnað 2003 & hefur sérhæft sig eingöngu í að gera hárlengingar af öllu tagi.  Við erum eina fyrirtækið á landinu sem sinnir & sérhæfum okkur eingöngu hárlengingum & viðhaldi þeirra.  Við gerum ekki eina hárlengingu í viku eða sjaldnar heldur alla daga, allan ársins hring & ákváðum því að birta samantekt af algengustu spurningunum sem koma inn á borð til okkar.  Við viljum einnig benda á að 6 mánaða ábyrgð er á öllu hárlengingahári frá okkur - bæði á okkar eigin hármerki & einnig frá Balmain sem gildir um hárlengingahárið sjálft í 6 mánuði frá þeim degi þegar ný lenging er keypt sé leiðbeiningum um vöruval og umhirðu fylgt.
Þú getur verið viss um að fá vöru sem er 100% & stenst hæðstu gæðaprófanir sem gerðar eru.  Eftirlit með framleiðslu & gæðaprófanir eru þær hæðstu sem þekkjast til þess að þú fáir ákkúrat vöruna sem þú ert að kaupa.  Við vonum að þessar upplýsingar komi að góðum notum fyrir þig. 

 

Eru bara hárgreiðslumenntaðir aðilar sem bjóða uppá hárlengingar?

Alltof margir halda að það sé kennt í hárgreiðslunámi hérlendis en svarið við því er nei.  Þeir/þær sem læra hárgreiðslu vita að það er EKKERT á námsskrá um hárlengingar & ekkert kennt í skólum landsins um þær.  Þó svo að hársnyrtisveinar/meistarar séu mjög færir í sínu fagi þýðir það ekki endilega að þeir hafi nokkra þekkingu eða reynslu af hárlengingum & stundum litla sem enga.  Stór kúnnahópur hjá okkur eru td hárgreiðslunemar, hárgreiðslusveinar, hárgreiðslumeistarar, eigendur hárgreiðslustofna, kennarar í hárgreiðslu & einnig benda þær oftar en ekki viðskiptavinum sínum til okkar líka.  Stofnandi og eigandi stofunnar hefur sérmenntað sig í hárlengingum síðastliðin 11 ár og hefur unnið meðal annars í New york frá árunum 2010-2012 & svo í Los Angeles vorið 2014 samhliða því að vera í fullri vinnu á stofunni í Reykjavík ásamt starfsmönnum Hárlengingar.is. 

 

Hverjar fá sér hárlengingar?  Afhverju hárlengingar?

Það kæmi líklega á óvart ef þú vissir hvaða konur koma til okkar í hárlengingar.  Yfirleitt eru hárlengingar tengdar við ákveðinn aldur eða hóp - en okkar viðskiptavinahópur er á öllum aldri frá 13 ára - 74 ára & allsstaðar að úr félags/atvinnulífinu & allsstaðar að úr heiminum.  Við bendum hins vegar á að fyrir þær sem eru undir 16 ára þurfa að fá samþykki foreldris.
Tilgangur hárlenginga er margvíslegur; hægt er að þykkja hárið, auka sídd & fyllingu, breyta lit á hárinu, búa til ombre (ljósara í endana) eða strípuhreyfingu án þess að þurfi að lita hárið þitt
.  

 

Clip in eða fastar hárlengingar?

Það er alveg ofsalega mismunandi eftir hverju konur eru að leita að - það er hinsvegar gott að íhuga hvernig & við hvaða tækifæri þig langar að nota hárlengingarnar.
Clip In eru sniðug lausn í skemmri tíma & eru til í mismunandi útgáfum, þyngdum & gæðum.  
Ef að þú ert að leita að þykkingu / fyllingu / sídd í einstöku skipti eða við sérstök tilefni þá eru Clip In mjög gott að eiga.  Ekki er ráðlagt að nota Clip in daglega, spennurnar sem eru á Clip In hárinu eru oftast með gúmmígripi & við daglega notkun geta klemmurnar rifið hárin í burtu sem þú festir vanalega í - yfirleitt eru klemmurnar festar á mjög svipaða staði í hvert skipti sem smellt er í.  Ekki er ráðlegt að sofa með Clip In í sér heldur.
Ef þú ert að hugsa um til daglegra nota þá ættir þú að skoða varanlegar lengingar, þær gætu hentað betur þar sem að mun minna álag er á hárið á hverjum stað fyrir sig.  Ef þú ert ekki viss ertu að sjálfssögðu velkomin í verslun okkar að Grensásvegi 16 að skoða úrvalið & muninn á öllum valkostum sem við höfum uppá að bjóða fyrir þig - hvort sem er Clip in eða fastar hárlengingar.

 

Hvaða hárgreiðslustofu á ég að fara á í litun?

Yfirleitt hafa stofur reynslu af því að vinna með hárlengingar en ef þú ert ekki með fasta stofu þá stendur þér einnig til boða hárgreiðslufólkið okkar sem eru þaulvanir snillingar sem kunna að vinna með hárlengingar.

 

Er hægt að fá hárlengingar ef það eru strípur/ombre í hárinu?

Já það er hægt, við getum gert flest allt sem þú biður um.  Við bendum þér líka á að skoða myndaalbúmið hjá okkur hérna á síðunni & svo erum við líka með myndir inni á Facebook síðunni okkar - hnappurinn efst á síðunni flytur þig inn á Facebook síðuna okkar. 

 

Hvaða festingar get ég fengið?  Hvernig festingar á að velja?  Hvað er best?

Það er misjafnt en til dæmis bjóðum við uppá allar tegundir festinga & ísetninga.  Við bjóðum alla velkomna til okkar að skoða festingarnar & sjá hvernig hárið kemur undan öllum tegundum festinga & getum sýnt þér það á staðnum.  Við notum í langflestum tilfellum 100% keratinfestingar – við úrtöku molnar festingin niður & verður að dufti.  Keratin er prótein & trefjar, sama efnauppistaðan & er í ysta lagi af hárinu þínu, & inniheldur engin ónáttúruleg efni.  Við bjóðum uppá allar aðrar tegundir festinga en 100% keratin ef þú óskar sérstaklega eftir því.  Hérna er brot af því sem stendur þér til boða, þú getur fundið hjá okkur það sem hentar þér best: Plastfestingar, plastblandaðar keratinfestingar, 100% keratinfestingar, koparfestingar, koparfestingar með silicon að innan.

 

Hárvörur fyrir hárlengingar- afhverju sumar en ekki aðrar tegundir?

Úrvalið af hárvörum í dag er gríðarlegt & innihald í öllum hárvörum mjög mismunandi bæði eftir tegundum & svo hvað hárvaran sjálf á að gera.  Það getur orðið dýrt grín að fá sér hárlengingar & nota ekki réttar vörur í hárið.  Vörurnar sem við mælum með eru góðar bæði fyrir þitt hár & hárlengingarnar, duga lengi þannig allir ættu að geta leyft sér að hugsa vel um hárlengingarnar sínar.
Til dæmis er 6 mánaða ábyrgð á hárlengingahárinu frá okkur eingöngu á meðan viðkomandi notar vörur sem við mælum með.  Sumir halda að það sé bara gert til að selja vörur en svo er ekki - td þá mælum við með nokkrum tegundum af hárvörum, einnig hárvörum sem við erum ekki með til sölu hjá okkur.  Við viljum að þér gangi sem best að hugsa vel um hárlenginguna & hárið þitt enda er viturlegra að hugsa vel um það sem fjárfest er í.

 

Hafa hárlengingar áhrif á þinn eigin hárvöxt eða áhrif á endana þína?

Hárið vex áfram á sama hraða & sumum finnst hárið spretta hraðar en venjulega, hárlengingar hafa ekki áhrif á hversu hratt eða hægt hárið vex.  Almennt er hárvöxtur mjög mismunandi á milli kvenna, hjá sumum vex hárið óvenju hratt en hjá öðrum aðeins hægar.   
Þitt eigið hár getur ekki orðið styttra eftir hárlenginguna en engar festingar né slíkt koma nálægt endunum þínum þegar hárlengingar eru í hárinu.  Hins vegar er hár sem er búið að td efnameðhöndla mikið eða aflita mikið yfirleitt alltaf viðkvæmara í endana og á það til að brotna & slitna meira en hár sem ekki er búið að meðhöndla mikið.
Það er mælt með að nota alltaf hitavörn þegar þú notar heit járn (sléttu-krullujárn-blástur) á hárið þitt, líka í hárlengingarnar - það hár er líka ekta mannshár og að sjálfssögðu er gott að hugsa vel um það líka.

 

Þynnist eigið hár við að hafa hárlengingar?

Ef hugsað hefur verið um hárið samkvæmt leiðbeiningum þá er svarið nei.  Almennt hárlos sem er án hárlenginga verður minna áberandi eftir að lenging er sett í hárið & er mikið af venjulega hárlosinu í festingunum á hárlengingunum sem fer svo úr þegar lenging er tekin úr eða löguð í stað þess að fara í burstann þinn ef þú ert ekki með hárlengingu.  Ef þú gætir ímyndað þér að hreinsa ekki úr hárburstanum þínum í nokkrar vikur er hægt að miða við það.  Athuga skal að með því að hafa lengingar í hárinu þykkist það & þegar lengingin er tekin úr verða viðbrigðin oft mikil, enda mikið magn og þykkt sem lengingin gefur.  Þegar lenging er tekin úr á réttan hátt á hárið að vera alveg eins & það var áður, & við biðjum viðkomandi alltaf að grípa utanum hárlenginguna sem var verið að taka úr til þess að gera sér grein fyrir hversu mikið magn af fyllingu hárlengingin hefur gefið hárinu.  Oft verða konur “háðar” hárlengingum sérstaklega þegar þær eru með þunnt hár.  Þegar hárlenging er sett í finnurðu strax þykktina sem bætist við sem veldur því að það gleymist mjög fljótt að hárið var ekki jafnþykkt áður en lengingin var sett í. 

 

Fara hárlengingar illa með hárið eða fær maður skallabletti eftir hárlengingar?

Við leggjum mikla áherslu á að þegar konur fá sér hárlengingar að hugsa vel & vandlega um þær.  Umhirðan er ekki flókið ferli en hárlengingar á alltaf að hugsa um samkvæmt leiðbeiningum & sé það gert er svarið einfaldlega nei því annars gætu konur ekki verið með hárlengingar til lengri tíma.  Langflestar frægustu kvenna í heimi hafa verið með hárlengingar samfleytt í fleiri ár & vinsældir hárlenginga fara sífellt vaxandi.  Það geta allir fengið skallabletti eftir hárlengingar en það á alltaf að fara varlega við meðhöndlun hárlenginga & ef umhirðan er samkvæmt leiðbeiningum að þá þarf ekki að óttast það.  Svarið er einfalt, alveg sama hvaða tegund af festingum fyrir hárlengingar þú velur, að þá skal hafa það í huga að aukahárið er fest við þitt hár og það á að fara varlega, alveg eins og td gerfineglur eru fastar við þínar – við mikil átök brota þær af.  Það á ALDREI að taka hárlengingar úr sjálfur.

 

Má fara í sjó, sund eða heita potta?

Já að sjálfssögðu, í leiðbeiningunum frá okkur er sérstaklega farið yfir það ef verið er að fara í sund eða sjó.

 

Hversu lengi duga hárlengingar?

Hárlenginguna frá okkur þarf að lagfæra á 3-5 mánaða fresti, sumar konur koma með lengra millibili.   Hárlengingahárið sjálft er hinsvegar hægt að nota í allt að 18 mánuði sé hugsað vel um það eftir gefnum leiðbeiningum.

 

Eiga lokkar að detta úr daginn eftir eða eftir viku?

Svarið er einfalt, nei. 

 

Hvað má ekki gera við hárlengingar?

Það á aldrei að aflita/lýsa/perma hárlengingar alveg sama frá hverjum þær eru eða hvaða merki þær eru.  Þessar meðferðir innihalda mjög sterk efni sem breyta ástandi hársins & eins og flestir vita að þá tekur allt ekta mannshár mismunandi við aflitun/lýsingu/permanenti.  Sem dæmi: tvær vinkonur voru báðar litaðar ljóshærðar, fóru á sömu stofu í litun & var notað nákvæmlega sama aðferð og efni.  Önnur er með glansandi fallegt & heilbrigt ljóst hár - hin vinkonan var með hár sem þoldi ekki meðferðina, hennar hár er stökkt, brotnar og er eins og tyggjó.

 

Afhverju gengur konum misvel að vera með lengingar?

Það er á ábyrgð hverrar & einnar að fara eftir leiðbeiningunum - umhirðan er einföld en samt sem áður á ábyrgð hverrar & einnar að fara eftir þeim.
Langflestar fara alveg 100% eftir öllum leiðbeiningum & eru duglegar að leita sér aðstoðar hjá okkur ef eitthvað er - til þess erum við og svoleiðis á það að vera því að hjálpin er ekki nema eitt símtal - tölvupóst -heimsókn til okkar - skilaboð í burtu :)  Að lesa leiðbeiningarnar sem við sendum þér og fara eftir þeim 100% er það allra mikilvægasta & það er ekki verra að lesa þær yfir tvisvar.  Leiðbeiningarnar eru mjög einfaldar en mikilvægar að fara eftir svo að þér gangi sem best að koma rútínu á að hugsa um hárlenginguna þína & hárið þitt.  Við bendum einnig á að það er líka mjög mikilvægt að nota vörur sem við mælum með.  Það á ALDREI að taka hárlengingar úr sjálfur heima eða eftir ráðleggingum frá þeim sem hafa litla sem enga þekkingu á hárlengingum - það er mjög algengt að heyra "ég fór eftir öllum leiðbeiningum en tók þær úr sjálf úr heima eða vinkona mín gerði það" þetta er einmitt gott dæmi um eitthvað sem á alls ekki að gera.  Þegar þetta er gert sjálfur veldur það óþarfa álagi á þitt hár & þú átt hættu á að rífa hárið þitt upp með rótum sem gæti farið mjög illa með þitt eigið hár & eyðilagt hárlengingahárið líka en ef hárlengingar eru teknar rétt úr forðar það þínu hári undan óþarfa álagi & alltaf er hægt að geyma hárið & nota aftur seinna.  Efnin/aðferðirnar sem notaðar eru til að taka úr hárlengingar eru mismunandi er hvernig festingar er verið að eiga við - en vert er að benda á að þau efni eru innflutt & ekki seld útí í næstu búð.  Ráðleggingar á internetinu eða frá þriðja aðila eru mjög varasamar & við mælum aldrei með að farið sé eftir heimaráðum en að fara eftir ráðleggingum frá einhverjum sem hefur mjög takmarkaða sem enga þekkingu getur haft mjög slæmar, varanlegar afleiðingar fyrir hárið þitt (mætti kannski líkja þessu við að laga tennurnar í sér heima sem tannlæknir ætti að gera).  

 

Ef þér vantar einhverjar upplýsingar eða einhverjar spurningar koma upp:

Ekki vera feimin!  Það er alltaf langbest að koma við eða hafa samband hvort sem er símleiðis eða í gegnum skilaboð - ekki hika við það - hjá okkur er engin spurning skrýtin.  Til þess erum við, að hjálpa þér með það sem þig vantar hjálp við :) Aldrei er sniðugt að reyna að bjarga hlutunum sjálfur, það gerir oft hlutina verri en betri - þessvegna bendum við öllum á að hafa hiklaust samband við okkur ef eitthvað er, við erum að sjálfssögðu alltaf tilbúin til þess að hjálpa þér; Stofan okkar er opin frá 11-18 virka daga & frá 11-16 á laugardögum, síminn hjá okkur 772 4997 er opinn til kl 22 öll kvöld, alla daga ársins & svo auðvitað er hægt að senda okkur skilaboð bæði í gegnum Facebook síðurnar hjá okkur & einnig með því að ýta á hnappinn hérna fyrir ofan; Hafa samband.

 

Hárið sem við notum er innflutt, 100% hágæða mannshár, gæðaprófað & upprunavottað og bjóðum við okkar viðskiptavinum eingöngu uppá það allra besta sem völ er á.  Við bjóðum uppá clip in, staka lokka, mottur, samloku mottur, ísaumaðar lengjur (weaves), tögl & afrófléttur.  Við bjóðum einnig uppá mismunandi síddir af hári & mismunandi áferðir svosem afró, slétt og krullað hár.  Þegar hárið er sett í er farið yfir allt sem þú þarft að vita um umhirðu, meðhöndlun osfr, þú færð einnig sent email frá okkur með umhirðuleiðbeiningum.  Við erum nú stolt af því að við erum eitt af tveimur fyrirtækjum í heiminum sem býður uppá *6 mánaða ábyrgð á hárlengingahárinu*  Við ábyrgjumst að hárið frá okkur er 100% ekta hágæða mannshár, ekkert gerfi, plast eða ódýrt hár er notað & engu plasti, nælon eða öðrum gerfiefnum er blandað í hárið frá okkur. 

Ef þú ert ekki viss um hvað þú vilt eða hvað þér hentar getum við að sjálfssögðu leiðbeint þér & ráðlagt.  Við bjóðum þig velkomna í heimsókn til okkar til að skoða hvað stendur þér til boða, skoða úrvalið og fá ráðleggingar á stofuna hjá okkur, Hárlengingar.is á 3 hæðinni í Kringlunni, 103 Reykjavík